Barua ya maombi ya kazi ni nini
Barua ya maombi ya kazi, pia inajulikana kama barua ya kazi, ni ujumbe rasmi unaotumwa na mtu binafsi kuelezea nia yake katika nafasi maalum ya kazi ndani ya kampuni au shirika.
Barua ya kazi, inapaswa kutumwa pamoja na wasifu wako wakati wa kutuma maombi ya kazi. Ingawa wasifu wako unatoa historia ya uzoefu wako wa kazi na muhtasari wa ujuzi na mafanikio yako, barua ya maombi ya kazi unayotuma kwa mwajiri inaeleza kwa nini umehitimu kwa nafasi hiyo na unapaswa kuchaguliwa.
Jinsi ya kuandika barua ya kikazi
Chunguza kampuni: Kabla ya kuandika barua ya kazi, tafiti kampuni kikamilifu ili kuelewa maadili, dhamira na utamaduni wake. Hii itakusaidia kuandika barua yako ili ilingane na malengo ya kampuni na kuonyesha nia yako ya kweli ya kuyafanyia kazi kwa hiyo kampuni.
Chambua nafasi ya kazi: Ili kujumuisha maelezo yenye kushawishi zaidi na yanayofaa katika barua yako, utahitaji kujua mwajiri anataka nini.
Nini cha Kujumuisha katika Kila Sehemu ya Barua
Kuna sheria zilizowekwa za sehemu zinazojumuishwa katika barua, kutoka salamu hadi kusainiwa, na jinsi barua inavyopangwa. Hapa ni vitu za kujumuisha katika kila sehemu ya barua ya kazi:
Kichwa: Barua ya maombi ya kazi inapaswa kuanza na maelezo yako ya mawasiliano na ya mwajiri. Katika sehemu hii unaweka:
- jina
- anwani
- nambari ya simu
- barua pepe
- tarehe.
Mfano wa kichwa cha barua ya kazi:
Your Name (jina lako)
Your Address (anwani)
Your Phone Number (nambari ya simu)
Your Email Address (barua pepe)
Date (tarehe)
Employer’s name (Jina la mwajiri)
Company (Jina la kampuni)
Address (anwani ya kampuni)
Salamu: Hii ni salamu yako ya heshima. Salamu ya kawaida ni “Mpendwa Bw./Bi.” ikifuatiwa na jina la mwisho la mtu huyo.
Mfano ya salamu ya barua ya kazi.
Dear Mr./Ms (“Mpendwa Bw./Bi.”)
Mwili wa barua: Fikiria sehemu hii kama sehemu tatu tofauti.
Katika aya ya kwanza, utahitaji kutaja kazi unayoomba na ambapo uliona hiyo kazi.
Aya zifuatazo ni sehemu muhimu zaidi ya barua yako. Katika aya hizi angazia ujuzi unaofaa, uzoefu, na mafanikio ambayo yanahusiana moja kwa moja na mahitaji ya kazi. Onyesha thamani yako: Sisitiza jinsi ujuzi na uzoefu wako unaweza kufaidika na kampuni. Angazia mafanikio mahususi na utoe mifano inayoonyesha sifa zako za nafasi hiyo.
Sehemu ya tatu na ya mwisho ya mwili wa barua ya kazi itakuwa shukrani yako kwa mwajiri; unaweza pia kutoa maelezo ya ufuatiliaji.
Mwisho, funga barua yako kwa na adabu, kama vile “Yours Sincerely” au “Wako Mwaminifu,” ikifuatiwa na jina lako.
Zingatia hizi kanuni.
Ukiandika barua ya kazi zingatia hizi kanuni:
Kuwa wazi na ufupishe maneno: Andika barua yako iwe ya ukweli. Epuka maelezo yasiyo ya lazima na hakikisha kwamba ujumbe wako ni rahisi kusoma na kuelewa. Tumia aya fupi na vidokezo ikiwa ni lazima.
Sahihisha na uhariri: Hakikisha kuwa barua pepe yako haina makosa ya kisarufi na makosa ya tahajia. Barua ya kazi iliyoandikwa vizuri na isiyo na makosa huonyesha kuwa uko na umakini wa hali ya juu na unaelewa taaluma hiyo ya kazi unaomba.
Dumisha toni ya kitaalamu: Andika barua ya kazi yako kwa sauti ya kitaalamu na ya adabu. Epuka kutumia lugha isiyo rasmi, na uwe na heshima katika mawasiliano yako.
Ambatisha hati zinazofaa: Jumuisha viambatisho vyovyote vilivyoombwa, kama vile wasifu wako, barua ya kazi, au cheti vinginevyo. Hakikisha kuwa faili zilizoambatishwa zimepewa majina ipasavyo. Kama vile (Cover_letter.pdf au barua_ya_kazi.pdf ama word)