Kiti ni kifaa kilichotengenezwa kwa mbao, bati, chuma au plastiki kwa madhumuni ya kukalia.

Ukubwa wa neno kiti

Kupata ukubwa wa kiti tunazingatia sheria hii ya ukubwa wa nomino:

Nomino zinazoanza na kiambishi {ki} mwanzoni, kiambishi hicho hudondoshwa katika ukubwa na kiambishi {ji} hupachikwa.

Nomino kiti inaanza na kiambishi {ki} mwanzoni, tunadondosha kiambishi hiki, na kupachika kiambishi {ji}.

Kwa hivyo ukubwa wa kiti itakuwa jiti.

Udogo wa neno kiti

Kupata udogo wa neno kiti tunaongeza kiambishi {ki} kwa ukubwa wa neno kiti.

Udogo wa kiti unakuwa kijiti.

Mfano katika sentensi

Mtu amekalia kiti. [Hali ya kwaida.]

Jitu limekalia jiti. [Hali ya ukubwa.]

Kijitu kimekalia kijiti. [Hali ya udogo.]

Wingi wa udogo na ukubwa wa kiti

Majina ya nomino katika ukubwa huainishwa katika ngeli ya LI-YA. Kupata wingi wa ukubwa tunaongeza kiambishi {ma}.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Kwa mfano

Jitu limekalia jiti. [Hali ya ukubwa.]

Majitu yamekalia majiti. [Hali ya ukubwa wingi.]

Kijitu kimekalia kijiti. [Hali ya udogo umoja.]

Vijitu vimekalia vijiti. [Hali ya udogo wingi.]