Mti ni mmea mkubwa wenye shina gumu unaoota mwituni au uliopandwa shambani.

Ukubwa wa neno mti

Kupata ukubwa wa mti tunazingatia sheria hii ya ukubwa wa nomino:

Nomino zenye herufi {m} mwanzoni na zenye silabi moja katika mzizi, herufi hiyo hudondoshwa na kupachikwa kiambishi {ji}.

Nomino mti, inaanza na herufi {m} mwanzoni na ina silabi moja ya mzizi, tunadondosha herufi {m} na kupachika kiambishi {ji}. Kwa hivyo ukubwa wa mti ni jiti.

Udogo wa neno mti

Kupata udogo wa neno mti tunaongeza kiambishi {ki} kwa ukubwa wa neno mti.

Udogo wa mti unakuwa kijiti.

Mfano katika sentensi

Mti umevunjika. [Hali ya kawaida,]

Jiti limevunjika. [Hali ya ukubwa.]

Kijiti kimevunjika. [Hali ya udogo.]

Wingi wa udogo na ukubwa wa mti

Majina ya nomino katika ukubwa huainishwa katika ngeli ya LI-YA. Kupata wingi wa ukubwa tunaongeza kiambishi {ma}.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Jiti limevunjika. [Hali ya ukubwa umoja.]

Majiti yamevunjika. {Hali ya ukubwa wingi.]

Kijiti kimevunjika. [Hali ya udogo umoja.]

Vijiti vimevunjika. [Hali ya udogo wingi.]