Mbuzi ni mnyama afugwaye anayefanana na swala.

Ukubwa wa neno mbuzi

Kupata ukubwa wa mbuzi tunafuata sheria hii ya ukubwa wa nomino.

Nomino zilizo na herufi {m} mwanzoni na silabi mbili au zaidi katika mzizi, herufi hiyo hudondoshwa.

Nomino mbuzi huanza na herufi {m} mwanzoni na lina zaidi ya silabi mbili katika mzizi, kwa hivyo tunadondosha herufi {m}.

Kwa hivyo ukubwa wa mbuzi ni buzi.

Udogo wa neno mbuzi

Kupata udogo wa neno mbuzi tunaongeza kiambishi {ki} kwa ukubwa wa neno mbuzi.

Udogo wa mbuzi inakuwa kibuzi.

Mfano katika sentensi

Mbuzi anakula nyasi. [Hali ya kawaida.]

Buzi linakula yasi. [Hali ya ukubwa.]

Kibuzi kinakula kiyasi. [Hali ya udogo.]

Wingi wa udogo na ukubwa wa mbuzi

Majina ya nomino katika ukubwa huainishwa katika ngeli ya LI-YA. Kupata wingi wa ukubwa tunaongeza kiambishi {ma}.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Kwa mfano

Buzi linakula yasi. [Hali ya ukubwa umoja.]

Mabuzi yanakula mayasi. [Hali ya ukubwa wingi.]

Kibuzi kinakula kiyasi. [Hali ya udogo umoja.]

Vibuzi vinakula viyasi. [Hali ya udogo wingi.]