Mji ni penye nyumba nyngi za kuishi watu wengi wenye kufanya shughuli tofauti.

Mfano: Mji mkuu wa nchi, mji ambao ndio makao ya serikali ya nchi.

Mji pia ni nyumba wanamoishi watu wa familia moja.

Mfano: Huu ndio mji wa kaka yangu.

Ukubwa wa neno mji

Kupata ukubwa wa mji tunazingatia sheria hii ya ukubwa wa nomino:

Nomino zenye herufi {m} mwanzoni na zenye silabi moja katika mzizi, herufi hiyo hudondoshwa na kupachikwa kiambishi {ji}.

Nomino mji linaanza na herufi {m} mwanzoni na yenye silabi moja katika mzizi, kwa hivyo tunadondosha herufi {m} na kupachika kiambishi {ji}.

Tukidondosha herufi {m} na kupachika kiambishi {ji}, ukubwa wa mji utakuwa jiji.

Udogo wa neno mji

Kupata udogo wa neno mji tunaongeza kiambishi {ki} kwa ukubwa wa neno mji.

Udogo wa mji inakuwa kijiji.

Mfano katika sentensi

Mji huo ni mzuri. [Hali ya kawaida.]

Jiji hilo ni nzuri. [Hali ya ukubwa.]

Kijiji hicho ni kizuri. [Hali ya udogo.]

Wingi wa udogo na ukubwa wa mji

Majina ya nomino katika ukubwa huainishwa katika ngeli ya LI-YA. Kupata wingi wa ukubwa tunaongeza kiambishi {ma}.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Jiji hilo ni nzuri. [Hali ya ukubwa umoja.]

Majiji hayo ni mazuri. [Hali ya ukubwa wingi.]

Kijiji hicho ni kizuri. [Hali ya udogo umoja.]

Vijiji hivyo ni vizuri. [Hali ya udogo wingi.]