Gari ni chombo cha usafiri chenye magurudumu.

Ukubwa wa neno gari

Mara nyingi nomino katika ukubwa hujukua viambishi vya umoja {ji/j}. Kupata ukubwa wa gari tunafuata sheria hii ya ukubwa wa nomino:

Nomino za ngeli ya LI-YA pamoja na ngeli nyingine zisizokuwa na kiambishi maalum katika umoja, hupachikwa kiambishi {ji} ili kupata ukubwa.

Nomino gari liko katika ngeli ya LI-YA. Kwa hivyo, tunapachika kiambishi {ji} kwa gari ili kupata ukubwa. Ukubwa wa gari utakuwa jigari.

Udogo wa neno gari

Kupata udogo wa neno gari tunaongeza kiambishi {ki} kwa ukubwa wa neno gari.

Udogo wa gari inakuwa kijigari.

Mfano katika sentensi

Gari limesimama kando ya mji. [Hali ya kawaida.]

Jigari limesimama kando la jiji. [Hali ya ukubwa.]

Kijigari kimesimama kando ya kijiji. [Hali ya udogo.]

Wingi wa udogo na ukubwa wa gari

Ukubwa wa gari, jigari, linachukua ngeli ya {li -ya}, katika sentensi. Kumaanisha {li} katika umoja na {ya} katika wingi. Na pia unapachika kiambishi {ma} kupata wingi wa jigari.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Kwa mfano

Jigari limesimama kando la jiji. [Hali ya ukubwa umoja.]

Majigari yamesimama kando ya majiji. [Hali ya ukubwa wingi.]

Kijigari kimesimama kando ya kijiji. [Hali ya udogo umoja.]

Vijigari vimesimama kando ya vijiji. [Hali ya udogo wingi.]