Dunia inabadilika, isipokuwa wanyoaji nywele. Tabia zao hazibadiliki, wala mazingira yao. Chochote unachopata kwenye chumba cha kinyonzi mara ya kwanza, ndicho utakutana nacho kila wakati baada ya hapo.
Leo asubuhi nimenyolewa kama kawaida. Mwanaume mmoja alitokea mlangoni kutoka mkono wangu wa kulia huku mimi nikitokea kutoka Barabara Kuu, kitu kinachotokea kila wakati. Nikakimbia, lakini sikufaulu; aliingia mbele yangu kwa hatua moja tu, na nikafuata nyuma na kumwona akichukua kiti pekee kilichosalia, kile kinachomilikiwa na kinyozi bora. Kila mara inakuwa hivyo. Nilikaa, nikitumaini kupata kiti cha kinyozi bora kati ya waliobaki wawili, kwa kuwa mmoja alikuwa tayari anaanza kuchana nywele za mteja wake, huku mwenzake bado alikuwa anasugua na kupaka mafuta kwenye kichwa cha mteja wake. Nilifuatilia nafasi hizo kwa shauku kubwa. Nilipoona Nambari 2 akimfikia Nambari 1, shauku yangu iligeuka kuwa wasiwasi. Nambari 1 aliposimama kwa muda kumkaribisha mteja mpya, na kupoteza nafasi kwenye mbio, wasiwasi wangu uliongezeka kuwa hofu. Nambari 1 alipomfikia mwenzake tena, na wote wawili wakiwaosha na kuwapangusa wateja wao, ilitoa nafasi sawa kwa mmoja wao kusema “Mwingine!”, pumzi yangu ilisimama kwa msisimko. Lakini wakati wa kilele Nambari 1 alipoanza tena kunyoa nyusi za mteja wake, niligundua amepoteza mbio kwa sekunde moja, nikainuka kwa hasira na nikatoka dukani, ili kuepuka kuanguka mikononi mwa Nambari 2; kwa sababu sina ujasi huo unaomwezesha mtu kutazama kwa utulivu machoni mwa kinyozi anayesubiri na kumwambia kuwa ninasubiri kiti cha kinyozi mwenzake.
Nilisalia nje dakika kumi na tano, kisha nikarudi, nikitumaini bahati nzuri zaidi. Bila shaka viti vyote vilikuwa vimekaliwa sasa, na wanaume wanne walikaa wakisubiri, kimya, wasiotaka kuongea, waliofadhaika, na wanaoonekana kuchoka, kama wanaume wanavyofanya kila wakati wanaosubiri zamu yao kwenye chumba cha kinyozi. Nilikaa kwenye mojawapo ya sehemu za sofa ya zamani yenye mikono ya chuma, na nikatumia muda kusoma matangazo yenye picha ya kila aina ya dawa za kienyeji za kupaka kwenye nywele. Kisha nikasoma majina kwenye mafuta ya kunyoa; nikaangalia picha zilizo na uchafu na zilizoharibika kwenye kuta; picha za vita, marais wa zamani, na masultani, warembo waliolala chini, na msichana anayependeza anayeweka miwani ya babake. Hatimaye, nikatafuta gazeti moja lililoharibika kati ya gazeti za mwaka jana zilizokuwa zimetapakaa katikati ya meza chafu, na nikasoma upotoshaji wao usio na haki wa matukio ya zamani yaliyosahaulika.
Hatimaye zamu yangu ikafika. Sauti ikasema, “Mwingine!” na nilijisalimisha kwa – Nambari 2, bila shaka. Daima hutokea hivyo. Nikasema kwa sauti ya chini kwamba nilikuwa na haraka, lakini haikumgusa hata chembe. Aliniongoza kichwa juu, akaweka taulo chini yake. Akaingiza vidole vyake kwenye kola yangu na kufunga taulo huko. Akachezeacheza nywele zangu kwa makucha yake na kunishauri kwamba zinahitaji kukatwa. Nilisema sitaki zipunguzwe. Akaendelea kuangalia akasema ni ndefu sana kwa mtindo wa sasa – bora kupunguza kidogo. Nikasema nilizikata wiki moja iliyopita tu. Alizitazamia kwa mawazo kwa muda, kisha akauliza kwa dharau, “Nani alizikata?” Nilimjibu kwa haraka, “Wewe!” Nilimfunga! Kisha akaanza kuchanganya povu la kunyoa akijiangalia mwenyewe kwenye kioo, akisimama mara kwa mara ili akuze na kuchunguza kidevu chake kwa makini au kukagua chunusi. Kisha akapaka povu upande mmoja wa uso wangu vizuri, na alikuwa karibu kupaka upande mwingine, mbwa wawili walipoanza kupigana na kuvutia umakini wake, akakimbilia kwenye dirisha na akasimama huko na kuona matokeo, akipoteza shilingi mia mbili kwenye matokeo kwa kubeti na wanyoaji wengine, kitu kilichonipa furaha kubwa. Akamaliza kupaka povu, na kisha akaanza kusugua povu kwa mkono wake.
Sasa akaanza kunoa wembe wake kwenye mashine ya zamani, na alichelewa sana kwa sababu ya mzozo kuhusu mpira wa EPL aliokaa usiku uliopita, katika uwanja wa Wembley. Alifurahishwa sana na kuchunguzwa kuhusu msichana fulani aliyempiga na mvuto wake hivi kwamba alitumia njia zote kuendelea na mzozo kwa kujifanya kukasirika na kuchunguzwa na wenzake. Jambo hilo lilimfanya ajichunguze zaidi kwenye kioo, na akaweka chini wembe wake na akasafisha nywele zake kwa uangalifu. Wakati huo huo, povu lilikuwa likikauka kwenye uso wangu, na lilionekana lilikuwa linakula viungo vyangu vya ndani.
Sasa akaanza kunyoa, akiingiza vidole vyake kwenye uso wangu ili kunyoosha ngozi na kuzungusha na kutumbukiza kichwa changu huku na huku kama vile kunyoa kunavyohitaji. Maadamu alikuwa kwenye sehemu ngumu ya uso wangu sikuumia; lakini alipoanza kuchana, na kuburuta, na kuvuta kidevu changu, machozi yalitoka. Sasa alitumia pua yangu kama kishikio, ili kumsaidia kunyoa pembe za mdomo wangu wa juu, na ilikuwa kwa ushahidi huu wa kimazingira niliwaza kwamba sehemu ya majukumu yake katika duka ilikuwa kusafisha vyoo.
Nilizidi kunyongoshwa kuliko kunyolewa. Nilipokuwa nikijitengeneza akili kuona sehemu atakayonikata kwanza, yeye akanilaza kidonda mwisho wa kidevu kabla sijafikiria lolote. Kwa haraka sana akaanza kunoa wembe wake mkali, pengine alifanya hivyo kabla. Sipendi kukatwa, na sikuweza kumruhusu afanya hivo mara ya pili. Nilijaribu kumfanya asimamishe wembe wake, nikiogopa kwamba angetengeneza kwa upande wa kidevu changu, mahali ambapo wembe hauwezi kugusa mara mbili bila kufanya shida; lakini alisema alitaka tu kulainisha ukali mmoja mdogo, na kwa wakati huo huo akateleza wembe wake kwenye ardhi iliyokatazwa, na alama za chunusi za kunyolewa hapo zikaanza kuuma na kujibu wito.
Sasa akaunyea taulo lake katika spiriti kali, akainyakua usoni mwangu kwa ukatili wote; akainyakua kana kwamba mwanadamu yeyote amewahi kunawa uso wake kwa njia hiyo. Kisha akafuta uso wangu kwa sehemu kavu ya taulo, kana kwamba mwanadamu yeyote amewahi kufuta uso wake kwa mtindo huo; lakini kinyozi mara chache hakusugui kama Mkristo. Kisha akachomeka spiriti ya kusafisha kwenye kidonda kutumia taulo lake, akakaba jeraha kwa unga wa kuzuia kuvuja damu, akainyunyiza tena na spiriti, na bila shaka angeendelea kunyunyiza na kupulizia milele, ikiwa nisingeasi na kumwomba aache. Sasa akaipaka poda usoni mwangu wote, akaninyoosha, na akaanza kunyakua nywele kwa makini. Kisha akapendekeza kuosha kichwa, akasema nywele zangu zinahitaji vibaya sana. Nikamwambia kwamba niliosha nywele yangu vizuri sana jana bafuni. “Nilimweka chini” tena.
Sasa akapendekeza “Kichochezi cha Nywele cha Nora,” na akatoa kuniuzia chupa. Nikakataa. Akaisifu manukato mapya, “Raha ya Violeti,” na akapendekeza kuniuzia baadhi. Nikakataa tena. Alinijaribu na dawa ya kuosha meno ya kutisha iliyobuniwa na yeye mwenyewe, na nilikataa.
Akarudi kwenye kazi baada ya kushindwa kwa biashara yake ya mwisho, akaninyunyizia pande zote, miguu na vyote, akapaka mafuta nywele yangu licha ya kupinga kwangu, akasugua na kusugua kiasi kikubwa hadi mzizi, akachana na kusugua zilizobaki, akizigawanya nyuma, na akabandika mtindo wake, na kisha, huku akichanachana nyusi zangu chache na kuziharibu kwa mafuta ya nywele, akaanza kunisimulia mafanikio ya mbwa mwenye ngozi nyeusi na nyeupe mwenye uzito wa kilo sita hadi nikasikia milio ya saa ikilia saa sita mchana, na nikagundua nilichelewa dakika tano kwa treni. Kisha akanyakua taulo, akalipitisha usoni mwangu kwa upole, akapitisha sega lake kwenye nyusi zangu kwa mara nyingine tena, na kwa furaha akaimba “Mwingine!”
Kinyozi huyu alidondoka na kufa kwa mshtuko baada ya saa mbili. Ninasubiri zaidi ya siku kwa kisasi changu – nitahudhuria mazishi yake.
By Mark Twain.