Mbwa ni mnyama afugwaye na binadamu ambaye hulinda na kumsaidia kuwinda.

Ukubwa wa neno mbwa

Kupata ukubwa wa nomino mbwa, tunazingatia sheria hii ya ukubwa wa nomino:

Nomino zenye herufi {m} mwanzoni na zenye silabi moja katika mzizi, herufi hiyo hudondoshwa na kupachikwa kiambishi {ji}.

Nomino mbwa inaanza na herufi {m} mwanzoni na ina silabi moja katika mzizi, tunadondosha herufi {m} na kupachika herufi {ji}.

Kwa hivyo ukubwa wa mbwa ni jibwa.

Udogo wa neno mbwa

Kupata udogo wa neno mbwa tunaongeza kiambishi {ki} kwa ukubwa wa neno mbwa.

Udogo wa mbwa unakuwa kijibwa.

Mfano

Mbwa anakula. [Hali ya kwaida.]

Jibwa linakula. [Hali ya ukubwa.]

Kijibwa kinakula. [Hali ya udogo.]

Wingi wa udogo na ukubwa wa mbwa

Ukubwa wa mbwa, jibwa, hili neno linachukua ngeli ya {li -ya}, katika sentensi. Kumaanisha {li} katika umoja na {ya} katika wingi. Na pia unapachika kiambishi {ma} kupata wingi wa jibwa.

Majina ya nomino katika udogo huainishwa katika ngeli ya KI-VI. Kupata wingi wa ukubwa tunaongeza kiambishi {vi}.

Kwa mfano:

Jibwa linakula. [Hali ya ukubwa umoja.]

Majibwa yanakula.[Hali ya ukubwa wingi.]

Kijibwa kinakula. [Hali ya udogo umoja.]

Vijibwa vinakula. [Hali ya udogo wingi.]