Maana ya sajili

Posted by:

|

On:

|

Sajili ni nini?

Sajili ni matumizi ya lugha katka mazingiza mbalimbali, inayoifanya lugha kubadilibadlika.

Aina za sajili na sifa zake

Sifa za sajili ya sokoni

  • Ni lugha ambayo imejaa maswali. Kwa mfano: Mteja: Muuzaji, hii ngapi? Muuzaji: Mia Moja ishirini, Wewe una ngapi?
  • Huchanganya lugha, mfano muuzaji husema bei ni ten, ten. Kumi, kumi
  • Matumizi ya lugha kali haswa kwa wateja wasiokuwa na uvumilivu mfano: Fanya haraka ama niende zangu.
  • Huwa na misamiati maalum kama vile ‘customer’, ‘karibia, karibia’, ’bei ni ya kurusha’, ‘mali ni fresh kabisa’, ‘bei ni ya chioni’, na menginevyo.
  • Hutumia lugha ya ushawishi, kama vile; tafadhali.
  • Wauzaji hutumia sauti ya juu ili kuwavutia wateja.
  • Lugha hazingatii kanuni za sarufi.
  • Hutumia lugha ya mkato.
  • Lugha hujaa porojo.

Sifa za sajili ya mahakama

  • Misamiati maalumu hutumika, kama vile mshukiwa, katiba, sheria, mashtaka, hakimu, Ushahidi, wakili, jela.
  • Huwa na maelezo marefu na ya kina ili kutafuta ushahidi wowote uliopo.
  • Ni lugha yenye kunukuu sana hasa vipengele katika vitabu vya sheria kama vile katiba.
  • Ni lugha rasmi na sanifu.
  • Ni lugha iliyojaa maswali na majibizano.
  • Ni lugha yenye heshima.

Sifa za sajili ya michezo

  • Matumizi ya ishara, kama vile kuinua mkono, kuonyesha kuumia uwanjani
  • Sentensi huwa fupi fupi kama vile stars ya lazwa.
  • Lugha si sanifu
  • Kuna matumizi ya msamiati maalum, kama vile kandanda

Sifa za sajili ya shuleni

  • Imesheheni lugha na msamiati inayoshikamana na mazingara ya elimu
  • Utumizi wa lugha sanifu hutumika kwa wingi.
  • Aghalabu shughuli hufuata utaratibu wa ratiba
  • Inatumia maswali na majibu

Sifa za sajili ya hospitalini

  • Matumizi ya lugha ya mahojiano
  • Hutumia lugha ya upole
  • Hutumia msamiati za hospitali k.m vile dawa , sindano au mgonjwa
  • Hutumia lugha mwafaka na sanifu
  • Kuna kuchanganya ndimi na kubadili msimbo
  • Kuna matumizi ya maswali na majibu

Sifa za sajili ya vijana

  • Kuna kuchanganya ndimi
  • Ufupisho wa maneno k.m “wewe”huandikwa “ww”
  • Hutumia lugha ya sheng
  • Lugha hubadilikabadilika kulingana na mazingira
  • Hutumia chuku

Sifa za sajili ya polisi

  • Kuna kuchanganya ndimi
  • Hutumia lugha yenye ukali
  • Matumizi ya sentensi refu refu
  • Hutumia lugha yenye maswali
  • Hutumia lugha yenye vitisho