Ulinzi na usalama wetu unatoka kwa Mungu, tunahisi salama kweli tunapoweka maisha yetu mikononi mwa Bwana. Yeye ni mkuu kuliko woga wetu wote. Ana uwezo wa kutulinda dhidi ya adui na kutupa ushindi katika pambano yetu, hata wakati ambapo hakuna mtu anayetuamini. Hapa tutakupa mistari ya biblia ya ulinzi na usalama yeye itatupa hakikisho kuwa Mungu ako nazi katika kila jambo tufanyalo.
Mistari ya biblia ya ulinzi na usalama
Zaburi 4:8 SRUVDC
Katika amani nitajilaza na kupata usingizi mara, Maana Wewe, BWANA, peke yako, Ndiwe unijaliaye kukaa salama.
Mithali 18:10 SRUV
Jina la BWANA ni ngome imara; Mwenye haki huikimbilia, akawa salama.
Zaburi 91:1-2 BHN
Anayekaa chini ya ulinzi wa Mungu Mkuu, anayeishi chini ya kivuli cha Mungu Mwenye Nguvu, ataweza kumwambia Mwenyezi-Mungu: “Wewe ni kimbilio langu na ngome yangu; Mungu wangu, ninayekutumainia!”
Isaya 41:10 BHN
Basi, usiogope, mimi nipo pamoja nawe. Usifadhaike, mimi ni Mungu wako. Nitakuimarisha na kukusaidia; nitakulinda kwa mkono wangu wa ushindi.
Mithali 3:24 NEN
Ulalapo, hautaogopa; ulalapo usingizi wako utakuwa mtamu.
Zaburi 121:3 BHN
Hatakuacha uanguke; mlinzi wako hasinzii.
Zaburi 16:8 BHN
Namweka Mwenyezi-Mungu mbele yangu daima; yuko pamoja nami, wala sitatikisika.
Isaya 26:3 SRUV
Utamlinda yeye ambaye moyo wake umekutegemea Katika amani kamilifu, kwa kuwa anakutumaini.
Zaburi 32:7 BHN
Wewe ndiwe kinga yangu; wewe wanilinda katika taabu. Umenijalia shangwe za kukombolewa.
Mithali 29:25 SRUV
Kuwaogopa wanadamu huleta mtego; Bali amtumainiye BWANA atakuwa salama.
Zaburi 23:4 BHN
Nijapopita katika bonde la giza kuu la kifo, sitaogopa hatari yoyote, maana wewe ee Mwenyezi-Mungu u pamoja nami; gongo lako na fimbo yako vyanilinda.
Zaburi 27:1 BHN
Mwenyezi-Mungu ni mwanga wangu na wokovu wangu, ni nani nitakayemwogopa? Mwenyezi-Mungu ni ngome ya maisha yangu, sitamwogopa mtu yeyote.
Zaburi 56:3-4 BHN
Ee Mungu Mkuu, hofu inaponishika, mimi nakutumainia wewe. Namtumainia Mungu na kusifu neno lake; namtumainia Mungu, wala siogopi. Binadamu dhaifu atanifanya nini?
Warumi 8:38-39 SRUV
Kwa maana nimekwisha kujua hakika ya kwamba, wala mauti, wala uzima, wala malaika, wala wenye mamlaka, wala yaliyopo, wala yatakayokuwapo, wala wenye uwezo, wala yaliyo juu, wala yaliyo chini, wala kiumbe kinginecho chote hakitaweza kututenga na upendo wa Mungu ulio katika Kristo Yesu Bwana wetu.
Waebrania 13:6 BHN
Ndiyo maana tunathubutu kusema: “Bwana ndiye msaada wangu, sitaogopa. Binadamu atanifanya nini?”
Zaburi 91:4 BHN
Atakufunika kwa mabawa yake, utapata usalama kwake; mkono wake utakulinda na kukukinga.
Mithali 2:7 SRUV
Huwawekea wanyofu akiba ya hekima kamili; Yeye ni ngao kwao waendao kwa ukamilifu.
Zaburi 37:28 BHN
Maana Mwenyezi-Mungu hupenda uadilifu, wala hawaachi waaminifu wake. Huwalinda hao milele; lakini wazawa wa waovu wataangamizwa.
Zaburi 112:7 BHN
Hana haja ya kuogopa akipata habari mbaya; ana moyo thabiti na humtegemea Mwenyezi-Mungu.
Isaya 54:17 RSUVDC
Kila silaha itengenezwayo juu yako haitafanikiwa, na kila ulimi utakaoinuka juu yako katika hukumu utauhukumu kuwa mkosa. Huu ndio urithi wa watumishi wa BWANA, na haki yao inayotoka kwangu mimi, asema BWANA.
Nahumu 1:7 SRUV
BWANA ni mwema, ni ngome siku ya taabu; naye huwajua hao wamkimbiliao.
Zaburi 62:2 SRUV
Yeye tu ndiye mwamba wangu na wokovu wangu, Ngome yangu, sitatikisika.
Zaburi 18:2 BHN
Mwenyezi-Mungu ni mwamba wangu, ngome yangu na mkombozi wangu; Mungu wangu, mwamba wangu ninayemkimbilia usalama; ngao yangu, nguvu za wokovu wangu na ngome yangu.
Zaburi 46:1-2 BHN
Mungu ni kimbilio letu na nguvu yetu; yeye ni msaada wetu daima wakati wa taabu. Kwa hiyo hatutaogopa chochote, dunia ijapoyeyuka na milima kutikisika kutoka baharini.
Zaburi 118:6 SRUVDC
BWANA yuko upande wangu, sitaogopa; Mwanadamu atanitenda nini?
Zaburi 23:1-4 BHN
Mwenyezi-Mungu ni mchungaji wangu, sitapungukiwa na kitu. Hunipumzisha kwenye malisho mabichi; huniongoza kando ya maji matulivu, na kuirudishia nafsi yangu nguvu mpya. Huniongoza katika njia sawa kwa hisani yake. Nijapopita katika bonde la giza kuu la kifo, sitaogopa hatari yoyote, maana wewe ee Mwenyezi-Mungu u pamoja nami; gongo lako na fimbo yako vyanilinda.
Yohane 10:28-29 BHN
Mimi nawapa uhai wa milele; nao hawatapotea milele, wala hakuna mtu atakayeweza kuwatoa mkononi mwangu. Baba yangu ambaye ndiye aliyenipa hao ni mkuu kuliko wote, wala hakuna awezaye kuwatoa mikononi mwake Baba.
Zaburi 125:2 BHN
Kama Yerusalemu inavyozungukwa na milima, ndivyo Mwenyezi-Mungu awazungukavyo watu wake, tangu sasa na hata milele.
